டே கைய வச்சிகிட்டு சும்மா இருடா ...

போன வெள்ளி கிழமை வேலை ஒண்ணும் செய்யாம சிங்கி அடிக்கனும்ன்னு ஒரு பிளான் போட்டு வச்சிருந்தேன்.. சும்மா ஒண்ணும் இல்ல.. அதுக்காக அடிக்கிற வேலைய வார தொடக்கத்திலே செஞ்சிட்டு, இன்னும் முடியலன்னு மேனேஜர்(PM) அக்காவ ஏமாத்திக்கிட்டு இருந்தேன்.. வியாழன் சாயந்தரம் போல டெஸ்ட் சர்வர்க்கு மூவ் பண்ண சொல்லி ப்ரோசிஜர் டாக்குமென்ட், 1008 ப்ராசெஸ், நாள் நட்சத்திரம் எல்லாம் பாத்துதான் அனுப்புனேன்.. வழக்கமா இந்த மாதிரி பண்ணிட்டு நானே Code டை சர்வர்ருக்கு தள்ளிக்கிட்டு போய்டுவேன்..

சரி நம்ம ஆப்-ஷோர் மக்கள் சும்மாதானே இருக்குறாங்க.. இந்த தடவை அவனுகளையே பண்ண சொல்லுவோம்ன்னு மண்டைல ஒரு பல்பு.. இந்த பல்பு ஒண்ணும் சும்மா வரல.. 100 நாட்களையும் கடந்து எந்த வித சிக்கல்,சினுங்கல்,அச்சம், மடம், பருப்பு, செருப்பு மற்றும் பெரிய & சின்ன இம்சை எதுவும் தராமல் ப்ரொடெக்சன்னில் ஓடிகொண்டு இருக்கும் என் தங்கம் (போன ப்ராஜெக்ட்) தந்த மிக பெரிய அனுபவ பாடம் அதான்.

அதுவும் போக எங்க சமாளிப்பு திலகம்(PM) வேற கடமை, கண்ணியம் & கட்டுபாடு(Job Responsibility & Quality Process) பத்தி வாரத்துக்கு ஒரு தடவை மீட்டிங் போட்டு பேசுவாங்க. அந்த பேச்சுல மனசு வேற மாறி போச்சி..

ஆப்ஷோர் கண்மணிகள் என்ன பண்ணுனாங்களே.. கடவுளுக்கே வெளிச்சம்.. வெள்ளிகிழமை மதியம் போல சரி எதாவது பிலிம் காட்டணுமேன்னு, டெஸ்ட் சர்வர்ல போய் கைய வச்சி ஓட்டிவிட்டா அது என்னாடான்னா நம்ம ஊர் அரசியல்வாதி இலவசங்களை (மக்கள் முன்னேறத்துக்கு ?) அள்ளி வழக்குற மாதிரி, துப்புன Error Logs ல நான் கொஞ்சம் ஆடிபோய்டேன்.. என்னடா இது மதுரைக்கு வந்த சோதனைன்னு..

முதல்ல ஒண்ணுமே புரியல.. சரின்னு டெவலப்மென்ட் சர்வர்ல Code பாத்தா நான்ந்தான்டா நல்லவன் அப்படின்னு ஒழுங்கா ஓடுது.. Code எல்லாம் சரியாதான் இருக்கு.. சரிதான் நம்ம இன்னைக்கு கண்ணு முழிச்ச நேரம் சரி இல்லை அப்படின்னு நினைச்சேன்.. சபாஷ் சரியான போட்டின்னு சொல்லிட்டு இருக்குற Server Error Logs எல்லாம் பாத்தா ஒரு வழியா பிரச்சனை புரிச்சது.. என் கண்மணிகள் அப்ளிகேசன் சர்வரை அதுக்கு ஒதுக்கபட்ட யூசரா (OSUser)ஓட விடாம வேற ஒரு டம்மி யூசர் ப்ரொபல்ல ஓடவிட்டு இருக்குறாங்க.. ஒழுங்கா எல்லாத்தையும் சரி பண்ணி இருக்கணும்.. அத செய்யாம அந்த டம்மி யூசர்க்கு சகட்டுமேனிக்கு ரோல்ஸ்(permissions) எல்லாம் அசைன் பண்ணிடாங்க..

இத எல்லாம் சரி பண்ணுறதுக்குள்ள வெள்ளிகிழமை சரியா போச்சி :-( .. இதுல என்ன மேட்டர்ன்னா எனக்கும் சன் ஸ்பார்க் மெசின் சோலாரீஸ் OS ல வேலை பாத்த அனுபவம் ஒண்ணும் கிடையாது.. அதுனால ரொம்பவே தடவ வேன்டியதா போச்சி.







எல்லாம் சரிதான், எதுக்கு சம்மந்தமே இல்லாம இந்த படம்ன்னு கேக்குறவங்களுக்கு.. டே கார்த்தி ஏதாவது கெட்டது நடந்தா நம்ம குல தெய்வத்த கும்பிட்டுக, காத்து கறுப்பு ஒண்ணும் அண்டாதுன்னு எங்க ஊர்ல கூட்டாளிக சொல்லுவாங்க அதான் :-)